CHİB - Pres Reliz (15 Noyabr 2003)

Cəmiyyət və Hüquq İctimai Birliyi

15 noyabr 2002-ci il tarixdən başlayaraq
İntellektual mülkiyyətin təminatı adlı layihəni həyata keçirir.

Layihənin məqsədi respublika ərazisində intilektual mülkiyyət hüquqlarının müdafiəsini və bu sahədə hüquqi maarifləndirmə işini həyata keçirməkdir.

• layihə çərçivəsində intellektual mülkiyyət (bundan sonra İM) sahiblərinin hüquqlarının müdafiəsi üzrə hüquqi təminat mərkəzi yaradılmışdır. Burada intellektual mülkiyyət sahibləri olan Azərbaycan vətəndaşlarına, vətəndaşlığı olmayan şəxslərə və respublika ərazisində yaşayan əcnəbi vətəndaşlara, bu sahədə fəaliyyət göstərən beynəlxalq və yerli təşkilatlara, o cümlədən Qeyri Hökümət Təşkilatlarına (bundan sonra QHT) hüquqi məsləhətlər verir və müvafiq hüquqi yardım göstərilir.
• Layihəyə uyğun olaraq müəlliflərin, patent, əmtəə nişanları, coğrafi göstəricilər, və s. sahiblərinin, İM hüquqlarına və əlaqəli hüquqlara dair mühafizə sənədləri olan şəxslərin, bu cür sənədləri almaq üçün müraciət edən iddiaçıların intellektual mülkiyyət hüquqlarının və əlaqəli hüquqların müdafiəsi üçün müvafiq tədbirlər görülür, sənədlər hazırlanır, dövlət icra hakimiyyəti orqanlarında işlər aparılır və məhkəmə orqanlarında layihə iştirakçısı olan hüquqşünas- nümayəndə vasitəsi ilə İM hüquqlarının müdafiəsi həyata keçirilir.
• Maarifləndirmə məqsədi ilə İM sahəsində məşğul olan QHT və digər təşkilatlar, İM sahibləri və ictimaiyyətin numayəndələri üçün Bakı, Naxçıvan, Gəncə, Əlibayramlı, Şəki və Lənkəran şəhərlərində açıq seminarlar keçirilməsi, informasiya, hüquqi məsələlər üzrə bülletenləri nəşr edilərək yayılması və KİV- də müntəzəm çıxışlar edilməsi nəzərdə tutulmuşdur;

• Bu sahədə fəaliyyət göstərən beynəlxalq və yerli təşkilatlarla, o cümlədən QHT-larla münasibətlər yaradılması, göstərilən istiqamətdə gələcəkdə birgə fəaliyyət göstərmək üçün dövlət, yaradıcı əmək adamları və ictimaiyyət arasında informasiya sahəsi yaradılması;
• İctimaiyyətin diqqətinin İM sahəsindəki problemlərin həllinə cəlb edilməsi;
• Ölkə qanunvericiliyinin beynəlxalq hüquq normaları ilə uyğunlaşdırılmasında köməklik göstərilməsi üçün təkliflər hazırlanması və aidiyyatı dövlət orqanlarına təqdim edilməsi;

Yuxarıda sadalanan bütün tədbirlərin həyata keçirilməsi, insan hüquq və azadlıqlarının ayrılmaz hissəsi hesab edilən intellektual mülkiyyət hüquqlarının müdafiəçisi olan Cəmiyyət və hüquq ictimai birliyinin məqsədlərinə, vəzifə və perspektiv planlarına müvafiqdir.

Layihə bu sahədə təcrübəyə malik olan hüquqşünaslar tərəfindən Azərbaycan Açıq Cəmiyyət İnstutu-Yardım Fondunun maliyyə dəstəyi ilə həyata keçirilir.

Layihə iştirakçıları:

Direktor Əmir Ağayev
Əlaqələndirici Eldar İBrahimov

Hüquq məsləhətçiləri:

Mahir Quliyev; Yusif Nəcəfov;
Ataxan Əbilov; Əkbər Bağırov;
Rüstəm Zülfüqarov; Anar Əliyev.

CHİB - Pres Reliz (20 Dekabr 2002)

CHİB - Xəbər (fevral 2003)

CHİB - Pres Reliz (7 Yanvar 2003)